МИКЛОШЕВЦИ – Члени дзецинскей шпивацкей ґрупи КУД „Яким Ґовля” з Миклошевцох, на чолє з предсидательом КУД Жельком Лїкаром, на Вилїю дополадня з коляду „Ноц над Вифлеєм” крачунски швета повинчовали началнїкови Општини Томповци Томиславови Паненичови, як и шицким занятим у Општини. Миклошевци припадаю спомнутей општини.
Млади Миклошевчанє Крачун повинчовали и у сушедней општини – началнїци Општини Ловас Танї Пашовей, котра з тим була барз приємно нєсподзивана.
У Миклошевцох шпивацка ґрупа КУД „Яким Ґовля” Крачун з колядами окреме повинчовала и парохови о. Якимови Симуновичови, пресидательови Месного одбору Дюрови Бикийови и предсидательови Ради рускей националней меншини Општини Томповци Мирославови Лїкарови.