Комунални услуги годни окончовац и приватнїки

автор 021/сен 
984 Опатрене

БЕОҐРАД – Пре ускладзованьом з европскима стандардами, хтори процив монополу держави над комуналнима дїялносцами, отримованє явного ошвиценя, драгох, подмирйованє з воду, дистрибуция цеплотней енерґиї, цо дотераз окончовали явни комунални подприємства, пошвидко годни окончовац и приватни подприємства, пише „Блиц”, а преноши 021.

По Закону о комуналних дїялносцох, хтори Скупштина Сербиї ма прилапиц по швидким поступку, приватнїки прейґ концесиї, лєбо явно-приватного партнерства, уж 2017. року годни окончовац спомнути дїялносци, як и услуги отримованя пияцох, теметовох, явних поверхносцох, за цо буду придавац рахунки.

Нє будзе оможлївене лєм преберанє явного транспорту з тролейбусами и трамваями, як и одводзенє атмосферских и одрутних водох.

Як пише „Блиц”, спомнути закон муши буц принєшени, и попри обаваня же пре оможлївени способ приватизованя комунални услуги подрагша. За тераз ше приватнїки найбаржей интересую за подмирйованє з воду, понеже ту найвекше наплацованє.

Нови Закон о комуналних дїялносцох будзе обовязовац гражданох же би поряднє плацели услуги, алє ше годни и вияшнїц чи су з нїма задовольни.

ПОВЯЗАНИ ТЕКСТИ