БЕОҐРАД/ВЕРБАС – Министерство просвити, науки и технолоґийного розвою розписало конкурси за змесценє и костиранє штредньошколцох и студентох у 2015/2016. року.
Школяре котри ходза до школох чий снователь Република Сербия, АП Войводина, лєбо локална самоуправа, маю право на змесценє и костиранє под условийом же су перши раз уписани до одредзеней класи, же ше їх школованє финансує з державного буджету и же им место пребуваня нє у месце шедзиска школи. Штредньошколци документи маю придавац до домох од 6. по 14. юлий, а документи пред тим треба овериц. У општини Вербас оверйованє документох будзе од 25. юния.
Подобно як при штредньошколцох, право на змесценє маю студенти державних високошколских установох котри у 2015/2016. року першираз уписали одредзени рок на основних, мастер, лєбо докторских студийох чийо школованє ше финансує з буджету Републики Сербиї, маю нашо державянство и нє жию у истим месце дзе високошколска установа.
Тексти конкурсох и потребну документацию мож опатриц на сайту министерства www.mpn.gov.rs як и на сайту општини Вербас www.vrbas.net