Конкурси за финансованє здруженьох, та за спорт и културу

автор влдї
975 Опатрене

ШИД – Општина Шид розписала конкурси за за финансованє роботи здруженьох, та за финансованє спорту и култури з општинского буджету у 2016. року.

Конкурс росписани за финансованє порядних активносцох здруженьох на подручу шидскей општини и прияви до Општинскей управи треба послац по 3. фебруар, до 15 годзин.

Конкурс розписала и Комисия за додзельованє средствох за обласц спорту – за порядни активносци, розвой спорту, як и за адаптованє и санированє спортских будинкох. Прияви треба послац по 1. фебруар, до 15 годзин.

Конкурс розписала и Комисия за розподзельованє средствох за финансованє проєктох з обласци култури – за аматерску творчосц, музичну творчосц и културно-образовни дїялносци, а конкурс тирва по 29. януар, до 15 годзин.

Шицки конкурси з условиями и приявами обявени на веб-сайту Општини – www.sid.rs.

ПОВЯЗАНИ ТЕКСТИ