ВЕРБАС – Општина Вербас розписала три конкурси за финансованє и софинансованє активносцох церквох и вирских заєднїцох, за орґанизованє манифестацийох здруженьох гражданох, нєвладових орґанизацийох и културно-уметнїцких дружтвох и за роботу спортских клубох.
За финансованє и софинансованє проєктох и манифестацийох церквох и вирских заєднїцох на териториї општини Вербас у 2016. року, средства буду опредзелєни за будовательни роботи, добродзечену и наукову дїялносц.
Други конкурс ше одноши на финансованє и софинансованє проєктох и традицийних манифестацийох здруженьох гражданох, нєвладових орґанизацийох и културно- уметнїцких дружтвох.
На конкурс з обласци спорту мож конкуровац за орґанизиванє физичней култури и спорту, основни трошки клубох и за спортски манифестациї.
Конкурс и його условия у цалосци мож опатриц на сайту Општини Вербас – www.vrbas.net.