НОВИ САД – Новосадска новинарска школа (ННШ) обявела конкурс „Ладочка”, у хторим поволує писательох за дзеци на мадярским, словацким, румунским и руским язику же би по 15. юний послали свойо роботи.
Сказки/приповедки на язикох националних меншинох можу буц длуги до 500 слова, треба же би були прилагодзени дзецом предшколского и вчасного основношколского возросту, а з ориґиналним текстом би добре було послац и преклад на сербски язик.
Твори треба послац на е-адресу stefan@novinarska-skola.org.rs, а ННШ вибере 32 роботи, по осем на каждим язику, хтори потим буду поробени и обявени як авдио-приповедки.