Конкурс за бренд „Найлєпше зоз Сербиї”

автор сен
906 Опатрене

СЕРБИЯ – Привредна комора Сербиї, Министерство тарґовини, туризму и телекомуникацийох, та дньово новини „Привредни преґлед“ поволую шицки заинтересовани подприємства хтори робя у Сербиї же би участвовали у акциї „Найлєпше зоз Сербиї“ и конкуровали за найлєпши робни и корпоративни бренди на сербским тарґовищу. Конкуровац мож найпознєйше по 7. април.

Мож конкуровац за 24 катеґориї, а зоз змаганьом ше источашнє помага у промовованю вредносцох домашнєй привреди, змоцньоваю конкурентносци, злєпшованю позициї продуктох зоз Сербиї и друге.

Ранґованє будзе на основи резултатох гласаня трошительох и фаховцох, тарґовищно-финансийних параметрох и оценох фахового жирию. Побиднїки буду преглашени концом мая и достаню право хасновац знак акциї „Найлєпше зоз Сербиї“, як символ квалитету и довирия трошительох.

Вецей информациї о акциї мож опатриц на сайту www.najboljeizsrbije.rs

 

ПОВЯЗАНИ ТЕКСТИ