БЕОҐРАД – Розписани конкурс за приєм нових студентох и кадетох до Воєней академиї, дзе на Академию буду прияти 99 кадети, а на Медицински факултет Воєномедицинскей академиї 25.
Кадети котри успишно законча школованє у Воєней академиї и на Медицинским факултету, буду анґажовани у єдинкох Войска Сербиї, цо значи же их чека сиґурна робота, пише Танюґ.
Конкурс тирва по 31. марец, а заинтересовани леґинє и дзивки най ше приявя до центрох Министерства одбрани на териториї локалней управи дзе маю стаємне место пребуваня. Потребну документацию и условия конкурованя мож опатриц на сайту https://www.mod.gov.rs