Конкурс за наводньованє до конца октобра

автор сен
980 Опатрене

НОВИ САД – Покраїнски секретар за польопривреду, водопривреду и лєсарство Вук Радоєвич вчера уручел контракти 180 хасновательом безповратних средствох за софинансованє набавки опреми за наводньованє и вибудов експлоатацийних студньох у Войводини.

– З тима укладанями можем констатовац же будзе обезпечене наводньованє нових 2 016 гектарох – гварел Радоєвич и визначел же би ше польопривреднїки мали занїмац з интензивну продукцию, прето же є конкурентнєйша и економичнєйша.

За мири потримовки инвестицийом до опреми за наводньованє и студнї з ребалансом покраїнского буджету тераз обезпечени ище 30 милиони динари, та конкурс предлужени по конєц октобра. Радоєвич з тей нагоди поволал физични и правни особи, котри маю реґистровани польопривредни ґаздовства, най вихасную тоту можлївосц и конкурую за средства за наводньованє.

ПОВЯЗАНИ ТЕКСТИ