Конкурс за награди школяром и за стипендиї студентом

автор ркк/зам
765 Опатрене

КУЛА – Оддзелєне за дружтвени дїялносци Општинскей управи Кула розписало Конкурс за наградзованє школярох и стипендованє студентох у школским 2015/2016. року.

Право на єднократну награду витворюю школяре основних и штреднїх школох котри у прешлим року завжали перше, друге, лєбо треце место у поєдинєчней конкуренциї на окружним, републичним, лєбо державним змаганю котре орґанизує Министерство просвити Влади Републики Сербиї, або Секретарият за образованє, управу и национални меншини-национални заєднїци АПВ.

Право на стипендованє витворююю студенти котри ше финансую з буджету Републики Сербиї, под час студийох витворели найменєй 240 ЕСПБ боди и найменшу штредню оцену 9 у прешлих рокох студираня, котри на териториї општини Кула маю пребуванє найменєй 6 мешаци пред розписованьом конкурсу и першираз уписую рок студийох. Право на стипендию нє маю студенти першого року и абсолвенти.

Конкурс отворени по 15. новембер, а попри на сайту Општини Кула (www.kula.rs), будзе оглашени и у шицких основних и штреднїх школох у кулскей општини, як и у месних канцеларийох.

ПОВЯЗАНИ ТЕКСТИ