Конкурс за публикованє роботох

автор рс
1.1k Опатрене

 Завод за културу войводянских Руснацох

розписує конкурс за публикованє мастер роботох

од окремного значеня за руску културу

Едиция иновациї «Владимир Ґарянски»

 

Обявює конкурс за публикованє одбранєних мастер роботох зоз обласци дружтвених наукох повязаних зоз розвойом рускей заєднїци окреме з обласци язика, литератури и  историї.

Приявиц ше можу авторе одбранєних мастер и маґистерских роботох, хтори ище нє публиковани на другим месце (як окремна публикация, сепарат, або цалосц у составе заєднїцкей публикациї).

Конкурс отворени од 01-20. септембер 2016. року.

Прияви зоз приложеним єдним прикладнїком на паперу и на компакт диску (лекторована и кориґована верзия), зоз звитом Комисиї одредзеней за оцену мастер/маґистерскей роботи, як и наукову биоґрафию автора послац, або однєсц на адресу:

Завод за културу войводянских Руснацох

Конкурс за публикованє мастер роботох

Едиция иновациї «Владимир Ґарянски»

Футожска 2/3

Нови Сад 21 000

 

Критериї за публикованє мастер роботох

– Мастер робота муши буц написана (або преложена) по руски,

– робота треба же би була од значеня за руску заєднїцу,

– робота муши задоволїц високи науково-виглєдовацки критериї (ориґиналне виглєдованє),

– обсяг роботи одредзує Завод (100 боки),

– комисия ма брац до огляду час реализованих мастер/маґистерских роботох.

Резултати конкурсу буду познати у октобру, а наукова мастер робота будзе опубликована до конца 2016. року.

Конкурс будзе реализовани з помоцу членох комисиї хтору творя: Директор (або особа котру вон менує спред Заводу) и двоме фаховци: єден зоз науковим и наставним званьом з обласци руского зязика и литератури и єден з обласци историї.

вд директора Ивана Дудаш

Завод за културу войводянских Руснацох

ПОВЯЗАНИ ТЕКСТИ