КУЛА/РУСКИ КЕРЕСТУР – Предсидатель Општини Кула Драґан Трифунович розписал явни конкурси за финансованє програмох и проєктох з обласци спорту, култури, защити животного штредку и младежского сектору зоз средствох месних самодоприносох у местох кулскей општини, медзи нїма и за Руски Керестур.
Конкурси ше одноша на здруженя и орґанизациї у местох дзе постої месни самодопринос, а висину средствох и їх намену у тим року одредзовали совити месних заєднїцох.
Так за обласц спорту здруженя з Руского Керестура можу конкуровац за 947 000 динари.
Конкурс за младежски сектор одноши ше лєм на орґанизациї з Крущичу.
Шицки конкурси отворени по 8. юлий, так же прияву треба придац найпознєйше на стреду, 8. юлия до 14 годзин, на писарнїцу Општинскей управи Кула.
Конкурс, прияви и потребни формулари мож видзиц и превжац зоз сайту Општини – www.kula.rs