СЕРБИЯ – Здруженя младих, здруженя за младих, їх союзи, та канцелариї за младих можу конкуровац за средства за орґанизованє и (со)финансованє волонтерских кампох, а плановане же ше прейґ конкурсу з пенєжом помогнє отримованє вецей як 30 волонтерских кампох у Сербиї.
За тоту намену опредзелєни 3 милиони динари прейґ проєкту „Национална волонтерска програма младих 2015 – волонтерски кампи”, хтори запровадзує орґанизация „Млади виглєдоваче Сербиї”, односно Волонтерски сервис Сербиї, а з потримовку Министерства младежи и спорту. Плановане же за єден камп годно достац 100 000 динари.
Проєкти мож приявиц по 1. юний, а кампи би мали буц отримани у периодзе од 25. юния по 1. октобер. О детальох конкурсу шицки заинтересовани ше можу информовац на сайту https://www.mis.org.rs/vss/pages/sr/naslovna.php