НОВИ САД – Конститутивна схадзка Роботного цела за науку Националного совиту (НС) Руснацох отримана вчера у Заводзе за културу войводянских Руснацох, у присустве трох з пейц членох.
На конститутивней схадзки, хтору водзел предсидатель Роботного цела др Янко Рамач, прилапени План роботи и Финансийни план за 2015. рок, хтори предвидзує же буджет Роботного цела за науку будзе 250 000 динари. Як и у прешлим зволаню, кед терашнє Роботне цело було Одбор, медзи приоритетами у роботи будзе финансийна потримовка участвованю наших науковцох на фахових сходох.
Роботне цело тиж будзе софинансовац друкованє публикациї „Русинистични студиї”, хтора за тераз у електронским формату.
Вєдно зоз Заводом за културу войводянских Руснацох, Роботне цело потрима виглєдовацки проєкт з хторим ше ширшей явносци представи роботу теолоґа, линґвисти и публицисти Михайла Мункачия, родом з Руского Керестура, котри 1913. року по мадярски обявел студию о Руснацох.
