Конституовани Орґанизацийни одбор за пририхтованє Централней преслави националного швета Руснацох

автор влдї
1.1k Опатрене

БИКИЧ – Вчера у Бикичу конституовани Орґанизацийни одбор за пририхтованє Централней преслави националного швета Руснацох, хтора будзе 14. януара 2017. року у Бикичу и Шидзе.

За предсидателя Орґанизацийного одбору вибрани директор Заводу за културу войводянских Руснацох Серґей Тамаш, а за подпредсидательох заменїк предсидателя Националного совиту (НС) Руснацох Йовґен Мудри, подпредсидателька НС Наташа Еделински Миколка и предсидатель Совиту Месней заєднїци Бикич и КПД „Иван Котляревски” Деян Бобаль.

3-Bikic-02

На схадзки начално утвердзени и змисти хтори буду на Централней преслави у Бикичу, як цо то промоция моноґрафиї „Русини у Бикичу”, вистава малюнкох, етно-стол и Архиєрейска Служба Божа, а у Шидзе, у Народней библиотеки „Симеон Пищевич” будзе ище єдна вистава малюнкох, у сали Културно-образовного центру Шветочна Академия, а потим коктел.

На схадзки  Орґанизацийного одбору дати и предлоги за випатрунок сценоґрафиї на Шветочней академиї, випатрунок плакати и поволанкох, як и провадзацих флаєрох.

Тиж одредзени и час за хтори треба сполнїц одредзени задатки, а порадзене и же шлїдуюца схадзка  Орґанизацийного одбору будзе штредком септембра.

3-Bikic-03

ПОВЯЗАНИ ТЕКСТИ