Конститутивна схадзка Скупштини општини на пондзелок

автор влдї
845 Опатрене

ШИД – Дотерашня предсидателька Скупштини општини (СО) Шид Наташа Цвєткович заказала конститутивну схадзку СО за пондзелок, 16. май.

На схадзки буду потвердзени мандати одборнїком нового зволаня после виберанкох отриманих 24. априла, вибрани предсидатель СО и його заменїк.

Тиж будзе вибрани и предсидатель Општини Шид и його заменїк, вибрани члени Општинскей ради и принєшена одлука о меновану секретара СО.

Спрам нєурядових информацийох, Сербска напредна странка (СНС), хтора у новим зволаню од 39 одборнїкох будзе мац прешвечлїву векшину з 23-ома одборнїками, найвироятнєше сама формує нову власц.

Коалиция „Час за шорових людзох” ДС, ЛСВ, СДС, Желєней еколоґийней партиї-Желєних и ЛДП освоєла шейсц мандати, а по пейц СРС и СПС.

ПОВЯЗАНИ ТЕКСТИ