НОВИ САД – После реакцийох представительох совитох родичох же кафичи, киоски и ресторани у Новим Садзе малолїтним особом предаваю алкоголни напої, Координацийне цело за борбу процив насилства у основних и штреднїх школох предложело строгшу контролу таких обєктох.
Окрем о проблему предаваня алкоголних напойох, на схадзки Координацийного цела бешедоване и о обєктох за ставянки (кладионице) и коцкарнїцох у блїзкосци школох, та заключене же треба анґажовац ґеометрох же би вимерали оддалєносц таких обєктох од школох, а муша буц найменєй 200 метери далєй.