Концепт кандидатури Нового Саду за Европску престолнїцу култури

автор сен
1k Опатрене

НОВИ САД – У Городскей хижи у Новим Садзе стреду, 13. юлия, представени програмни концепт за кандидатуру Нового Саду за Европску престолнїцу култури 2021. року з назву „Нови Сад 2021“, а хтори засновани на штирох мостох, односно осем темох хтори ше будзе обрабяц у процесу проєкту кандидатури.

Мост „Шлєбода“ представя теми креативней индустриї и младих, мост „Дуга“ конфликти и миґрациї, „Надїя“ – културни капацитет и явни простори, а „Нови“ мост представя културни скарб и госцопримствои, потолковал предсидатель Орґанизацийного одбору „Нови Сад 2021“ Неманя Миленкович. Визуелни идентитет проєкту виробел дизайнер Йован Тркуля.

О значносци кандидатури Нового Саду за Европску престолнїцу култури 2021. року бешедовали и предсидатель Покраїнскей влади Иґор Мирович и городоначалнїк Нового Саду Милош Вучевич. Мирович визначел же „нєпотребне бешедовац о потенциялох и моци Нового Саду же би вошол до велькей рики кандидатури за престолнїцу култури, у нєй плївал и вишол як побиднїк“, а Покраїнска влада го у тим потрима.

– Прешвечени сом же нас концом октобра чека одлична финална промоция Городу. Кед достанєме тоту титулу, Нови Сад будзе перши город зоз жемох кандидатох за членство у Европскей униї хтори будзе ношиц тото припознанє – гварел городоначалнїк Вучевич.

6-Horod-02

ПОВЯЗАНИ ТЕКСТИ