Концом мешаца збор гражданох

автор сен
933 Опатрене

РУСКИ КЕРЕСТУР – На вчерайшей схадзки Совиту Месней заєднїци (МЗ) Руски Керестур прилапене Предкладанє плану приходох и розходох у 2016. року, як и презентованє роботи МЗ на зборе гражданох.

По Предкладаню, МЗ идуцого року будзе розполагац з вєдно 17 милиони 960 000 динари, а за инвестициї у 2016. року акцент дати на ушоренє атмосферских яркох, асфалтованє драгох, як и на ришованє критичних точкох у улїцох дзе стої вода. За роботи на драгох у хотаре опредзелєни 4 милиони динари, цо найвекша ставка у плану розходох за 2016. рок.

У планє за идуци рок и поставянє рефлекторох на фодбалским стадионє на Ярашу и оправянє столкох на пияцу.

6-MZ-02

Совит МЗ вчера прилапел и финансийни план за 2015. рок, ускладзени з остатню Одлуку о ребалансу буджету Општини Кула, а пре тоти вименки, прилапени и вименєни План явних набавкох за тот рок.

На вчерайшей схадзки одредзене же збор гражданох Руского Керестура будзе отримани 28. новембра на 14 годзин у конференцийней сали у Спортско-школскей гали. На сход поволани шицки заинтересовани Керестурци, дзе им представителє Совиту МЗ представя рочни звит, поинформую цо зоз запланованого поробене у 2015. року, та наявя плани и програму роботи за наступни период.

6-MZ-03

ПОВЯЗАНИ ТЕКСТИ