Координация вимага же би ше розпатрало предлоги националниох совитох

автор зам
852 Опатрене

НОВИ САД – У Новим Садзе вчера отримана Координация националних совитох (НС-ох) националних меншинох у Сербиї, на хторей главна тема бул виробок Акцийного плану за витворйованє правох националних меншинох за Поглавє 23 у прегваркох з ЕУ.

Як сообщене зоз схадзки, Координация виражела нєзадовольство же числени предлоги вименкох и дополнєньох хтори предложели национални совити Роботна ґрупа за виробок Нарису акцийного плану анї нє розпатрала и иґноровала цо, як поведзене, нє у духу декларованого инклузивного процесу при приношеню Акцийного плану.

Прето Координация вимага же би предкладаня НС-ох хтори нє розпатрани, лєбо пре даяки други причини нє вошли до тераз актуалного Нарису акцийного плану, у цалосци були положени на лїстину ткв. „спорних питаньох” хтори ше зявели на схадзкох Роботней ґрупи, а же би ше тота лїстина убудуце волала „спорни и нерозпатрани питаня”.

Координация заключує же ше без адекватного розпатраня спомнутих питаньох нє шме заключиц терашню фазу вирабяня Нарису Акцийного плану.

Тиж так, Координация НС-ох вимага же би ше єй у чаше од седем днї доручело записнїки з дотерашнїх схадзкох Роботней ґрупи и списки присутних, а од компетентних державних орґанох обчекує же би витворели условия за врацанє представительох Националного совиту Бошнякох до Роботней ґрупи.

ПОВЯЗАНИ ТЕКСТИ