Коцурска Месна заєднїца достала средства за завоженє долїни

автор тах
976 Опатрене

КОЦУР – Месна заєднїца Коцур з Покраїнским секретариятом за енерґетику и минерални сировини тих дньох подписала контрак о додзельованю безповратних средствох за софинансованє проєкту рекултивациї напущених копальньох без титулару, на основу конкурсу. За тот проєкт МЗ од Секретарияту достала 3 милиони 835 210 динари, а остаток трошкох проєкту будзе зношиц Општина Вербас.

Як потолковала секретарка Месней заєднїци Коцур Єлена Бесерминї, пенєж будзе вихасновани за завоженє долїни за часцу улїци Мученїка Папуґи, од Маршала Тита по Мадярски теметов.

Час за реализацию проєкту 31. децембер, а пошвидко будзе розписани тендер за виводзачох роботох.

ПОВЯЗАНИ ТЕКСТИ