КОЦУР – Стреду, 5. мая, на закончуюцей шветочносци проєкту „За чистейши и желєнши школи у Войводини” у Карловцох, Основна школа „Братство єдинство” зоз Коцура була єдна од 60 наградзених воспитно-образовних установох.
Явни конкурс розписали вецей покраїнски секретарияти, а приявиц ше могли предшколски, основношколски и стредньошколски установи зоз Войводини. Циль же би ше розвило одвичательне справованє и старанє о животним стредку, a тиж и же би ше розвивало тимску роботу, змагательни дух, комуникативносц, уключованє до виглєдовацкей роботи, унапредзованє знаня школярох о енерґетскей ефикасносци и друге.
Тогорочни фонд за награди звекшани, та 20-еро найактивнєйших члени еколоґойней секциї и тройо наставнїки котри водза тоту секцию як награду достали вилєт на Фрушку гору, а двоме наставнїки достали и безплатни семинар.
Школски 2018/019. рок ювилейни, бо означени дзешец роки реализованя програми „За чистейши и желєнши школи у Войводини”.
