КОЦУР – У коцурскей апатики нєшка будзе отримана безплатна акция мераня уровня цукру у креви.
Акция будзе орґанизована у просторийох апатики у Коцуре од 9 по 11 годзин. Як преноши портал Наше место, провадзенє уровня ґлукози у креви важни фактор у лїченю цукровей хороти. Пациєнти котри знаю яки им вредносци цукру у креви можу го през дзень успишнєйше тримац под контролу, а зоз тим и хороту.
Вимерани вредносци представяю водзач за пациєнтох же би евентуално кориґовали дози инсулина або других лїкох за цукер, же би знали яку файту и количество поживи конзумовац и з яким интензитетом можу практоковац физични активносци.