РУСКИ КЕРЕСТУР – У парохиї св. оца Миколая вчера, на швето Непорочне зачатиє Богородици по григориянским календаре, була и Крачунску споведз на штирох Службох Божих, дополадня и пополадню.
З трома домашнїма споведали и священїки з других наших парохийох, на чолє з преосвященим владиком Георгийом, а висповедане вельке число парихиянох.
Пияток, 4. децембра, Крачунска споведз була и по обисцох за хорих и старих, а школяре и млади ше годни висповедац остатню нєдзелю пред Крачуном, 20. децембра.
Понеже у Католїцкей церкви вчера почал Рок милосердия, хтори папа Франциско преглашел на велькей шветочносци у Риме, од вчера ше у керестурскей катедрали цали Рок милосердия будзе модлїц Ружанєц до Божого милосердия. Модлєнє Ружанцу кажди вечар на 16,20 годзин, пред Службу Божу.