КОЦУР – Христово рождество по юлиянским календаре у Коцуре преславене зоз шветочну вечеру на Вилїю и вельким числом шпивачох и бетлегемарох.
Гоч на Вилїю падал вельки диждж з лядом, то нє зопарло дзеци котри ходзели по шпиваню, анї парохиянох до Всеночного на 23 годзин.
Вчера, на Перши дзень Крачуна на службох Божих читана Крачунска винчованка владики кир Георгия Джуджара, а нєшка будзе мированє.