КУЛА – У грекокатолїцкей парохиї св. Йосафата у Кули швето Рождества Христового преславене на богослуженьох и на традицийни способ у фамелийох вирних. Вчера, на Други дзень Крачуна, на обидвох Службох Божих, на 9 и 17 годзин, було и мированє.
Преславйованє Крачуна почало зоз Всеночним на Вилїю на 23 годзин, а такой потим була и перша Крачунска Служба Божа, хтори служели домашнї парох о. Виталий Лотоцки и капелан о. Платон Салак, монахи Василийянє.
На Перши дзень Служба Божа була и на 9 годзин, служел ю парох.о.Виталий, док источашнє Крачунску Службу о. Платон служел у филияли кулскей парохиї у Крущичу. По Служби у Кули бул и традицийни Крачунски концерт, хтори отримали члени КУД „Иван Сенюк”.
Обичай ходзеня по шпиваню на Вилїю вечар у Кули ше отримує лєм у узших фемелийних кругох, а вчера пополадню по шпиваню ходзели виронаучни дзеци зоз шестру Марию и капеланом о. Платоном Салаком.
Нєшка, на Треци дзень швета, на Службох на 9 и 17 г. будзе означени и дзень першого християнского мученїка – Св. Штефана.
