Крачун у Сримскей Митровици

автор влв/зам
897 Опатрене

СРИМСКА МИРОВИЦА – Преслава Крачуна у Сримскей Митровици почала зоз споведзу и квиценьом крачунского древка, хторе подаровала парохиянка Ана Гаврилюк, а оквицели ю штирме легинє.

Всеночне на Вилїю служене на 23 годзин у преполней церкви, а потим вирни на парохиї з краснима колядами парохови повинчовали крачунски швета.

4-Mitrovica-02

На Перши дзень Крачуна Служба була на 11 г., а коло 30-еро дзеци виведли и пригодну програму, на хторей рецитовали по руски, українски и сербски, а вец шицки вєдно одшпивали даскельо коляди. Дзеци пририхтали Даниєла Горняк, Моника Абодї и Славица Канюґа. Пречитана и Крачунска винчованка владику Георгия, а по Служби було мированє.

Вчера, на Други дзень Крачуна Служба була и у Латярку, а нєшка, на Треци дзень, Митровчанє з дзецми нащивя своїх братох у Старей Бинґули, дзе тамтейшим дзецом подзеля и 20 пакецики.

ПОВЯЗАНИ ТЕКСТИ