Крашнє нащивени Крачунски вашар

автор м. афич
535 Опатрене

РУСКИ КЕРЕСТУР – У парохиї св. оца Миколая вчара отримани традицийни Крачунски вашар хтори у просторийох виронаучей сали орґанизовал парохийни Каритас.

На вашаре могло купиц рижни ориґинални ручно виробени крачунски прикраски, домашнї колачи, бобальки, мед и друге цо потребне до обисца у наиходзацих крачунских и новорочних шветох.

Того року бул 31 викладатель цо вецей як влонї, а попри зоз Керестура було и з Коцура, Кули, Вербасу и Нового Саду,  нащивительох тиж було у вельким чишлє, та кажде дацо и потарґовел. На вашаре назберане од викладачох и нащивительох и 5 700 динари добродзечни прилог хтори будзе похасновани за особи у потреби.

ПОВЯЗАНИ ТЕКСТИ