НОВИ САД – После роботнї 29. октобра, на хторей дзеци и други заинтересовани вирезовали бундави, Форум младих Рускей матки (ФМРМ) и Руски културни центер (РКЦ) у Новим Садзе стреду, 2. новембра, орґанизовали и другу часц роботнї з нагоди Ноци босоркох, дознава Рутенпрес од подпредсидательки ФМРМ Татяни Шайтош.
На другей часци креативней роботнї дзеци котри ходза на виучованє руского язика, вєдно зоз своїма учительками Ана-Марию Рац и Олю Яковлєв, мальовали свойо маски за Ноц босоркох.
Под час роботнї школяре з учительками шпивали руски шпиванки за дзеци, а креативни маски з роботнї однєсли дому.
