Крочай ґу витворйованю потребох младежи

автор сен
815 Опатрене

НОВИ САД – Нарис Локалного акцийного плану (ЛАП) политики за младих Городу Нови Сад за период од 2015-2018. рок представени того тижня, а явна розправа о Нарису тирва по пондзелок, 23. фебруар.

Комисия за виробок ЛАП подзелєла потреби младих до дзевец обласцох: образованє младих, обезпечованє роботи, здравє, култура и шлєбодни час, волонтерска робота и активизем, безпечносц, информованє, млади у защити животного штредку и отримуюцим розвою и социялна политика, хтора ше одноши на младих. Значни проєкт будзе и порушованє Младежского центру, дзе млади годни робиц на витворйованю своїх идейох и активносцох.

На урядовим представяню Нарису, член Городскей ради за спорт и младеж Предраґ Свилар гварел же є задовольни з тим же млади активно участвовали у виробку того документу. Обчекує же пошвидко будзе прилапени, же би цо скорей почало його витворйованє.

Нарис нового ЛАП шицки заинтересовани можу пречитац на сайту www.novisad.rs, а  коментари и предкладаня посилац на адресу lap2015@gmail.com

 

 

ПОВЯЗАНИ ТЕКСТИ