КУЛА – Концом прешлого рока Дом здравя Кула купел санитетску превозку хтора будзе вожиц пациєнтох на диялизу до Зомбора. На хемодиялизу до Зомбора з кулскей општини тераз иду 27 пациєнти.
Купованє превозки финансовали Дом здравя Кула и локална самоуправа. Директор Дома здравя Кула др Жарко Шевин гварел же проблем санитетского транспорту присутни у шицких здравствених установох, та и у кулскей општини.
– Нє рахуюци тих на диялизи, прешлого року зме превезли коло 2 000 пациєнтох и три превозки за санитетски транспорт нашей установи вєдно прешли вецей як 2 милиони километери, а превозки Служби наглей помоци мешачно преходза од 25 до 30 000 километери. Прето треба поряднє обнавяц возни парк, та на шоре обезпечованє превозки за Службу наглей медицинскей помоци – гварел директор Дому здравя Кула др Жарко Шевин.