ДЮРДЬОВ – Вяри, по одлуки Управного одбора Ловарского дружтва „Дюрдьов”, почало ушорйованє їх дому котре ше находзи на главней улїчки у центру Дюрдьова.
Прешлого мешаца закончене ушорйованє просторийох у преднєй часци обєкта дзе ше находза святочна сала и карчма. Вони у подполносци реновирани – заменєни цегелки, спущени повали, поставене нове ошвиценє, заменєна комплетна инсталация за струю, шанк, обилєне и знука и звонка, а поставени и два нови плазма телевизори.
