НОВИ САД – Покраїнски секретарият за польопривреду, водопривреду и лєсарство коло 1. марца розпише конкурси за додзельованє безповратних средствох, з хторих векшина будзе тирвац по октобер, лєбо покля пенєж за нїх нє будзе утрошени, гварел ресорорни секретар Бранислав Боґарошки на схадзки з представителями войводянских локалних самоуправох.
Боґарошки представел деталї програмох и конкурсох на хтори годни конкуровац локални самоуправи, визначел же намира ровномирно розподзелїц пенєж, та прето и зволали схадзку – же би локални самоуправи були поинформовани о можлївосцох конкурованя.
Покраїнски секретарият за польопривреду, водопривреду и лєсарство того року розполага з вецей як 7,1 милиярду динари, цо процентуално вецей як прешлого року, а як наявене, з того пенєжу плановане софинансовац санациї каналских мрежох зоз 60 одсто, потим вибудов водоводу и канализацийох, а опредзелєни и средства за садзенє древкох, мелиорацию и комасацию.