БЕОҐРАД – Предсидателька Скупштини Сербиї Мая Ґойкович розписала вчера локални виберанки за 24. април.
Одлуку о розписованю виберанкох за одборнїкох скупштинох городох и скупштинох општинох Мая Ґойкович подписала у Дому Народней скупштини.
Тота одлука ше нє одноши на одборнїкох скупштинох городох Беоґрад и Заєчар и одборнїкох скупштинох општинох Арандєловац, Бор, Вербас, Ковин, Косєрич, Лучани, Майданпек, Медведя, Мионица, Неґотин, Оджак и Печинци, бо у тих општинох виберанки отримани у периодзе од 2013. до 2015. року.
Мая Ґойкович поволала гражданох же би вишли на виберанки и же би з одвичательним гласаньом одлучели о будучносци Сербиї, своєй фамелиї, дзецох и унучатох.
Предсидателька Скупштини Сербиї шицким учашнїком на виберанкох пожадала успиху, апелуюци на нїх же би водзели позитивну предвиберанкову кампаню.