НОВИ САД – Пре здогадованє на пошлїдки змени администрациї под час ткв. „Йоґурт- револуциї” (у октобре 1988. року), представителє новосадскей Младежи Лиґи социялдемократох Войводини (ЛСВ) обишли загашени фабрики у Новим Садзе. З нагоди означованя 27 рокох од тей подїї, вони на капурох тих подприємствох охабели порученя з хторима жадали здогаднуц на пошлїдки гашеня войводянскей автономиї.
– Велї успишни подприємства хтори теди робели знїщени и забути. Роботнїки и роботнїци остали на улїци. У дакедишнїх ґиґантских подприємствох, як цо „Новкабел”, „Албус”, „ХИНС”, „Юґоалат”, „Юґодент”, „Необус”, тераз єст менєй як сто роботнїкох, а велї подприємства заварти. Нови Сад дакеди бул индустрийни центер, а тераз зме шведкове же Нови Сад город без нових роботних местох, инвестицийох, город у хтори комунална система нє функционує – пише у сообщеню Младежи ЛСВ Нови Сад.
У сообщеню активисти поручели же „Войводини будзе тельо кельо будзе борби за ню“.