ШИД – Општински одбор Лиґи социялдемократох Войводини (ОО ЛСВ) у Шидзе отримал вчера конференцию за медиї на хторей руководителє странки бешедовали о єй активносцох, а у рамикох означованя 25 рокох постояня тей странки.
Предсидатель ОО ЛСВ Предраґ Бекерек визначел закладаня странки на покраїнским и державним уровню, а тиж и о активносоцох ОО ЛСВ, хтори у Шидзе основани пред 15 роками.
Предсидателька Форму женох ОО ЛСВ Ясмина Манойлович бешедовала о закладаню странки за ровноправносц и права женох, а окреме же би було 30 одсто женох у парламенту и же би под час положнїцкого одсуства доставали цалу плацу.
Одборнїк у Скупштини општини (СО) Шид, єден зоз сновательох и перши предсидатель ОО ЛСВ у Шидзе Илия Поґрмич бешедовал о активносоци странки на локалним уровню.
У актуалним зволаню СО Шид ЛСВ ма трох одборнїкох, котри у опозициї.