БЕОҐРАД – Од 1. юния почнє применьованє Закона о преджавтвовим финансованю, спрам хторого польопривреднїки годни лєгчейше дойсц до пенєжу, на способ же як ґаранцию за достати средства заложа будуци польопривреди продукти, виявела за Танюґ Милица Євтич з Министерства польопривреди и защити животного штредку.
По новим законє, хаснователє преджатвового финансованя годни буц физични, правни особи и поднїмателє, а Євтичова оценєла же за пожички у банкох и прерабячох найвецей буду конкуровац физични особи.
За витворйованє такого финансованя поверитель и длужнїк буду мушиц подписац контракт и реґистровац го у Аґенциї за привредни реґистри. Як гварела Євтичова, Закон ше за тераз одноши лєм на продукцию рошлїнох, алє док вон зажиє, годно роздумовац и о його дополнєньох, же би ше за будуцу продукцию могло заложиц и статок.