Майсторски бал бул нащивени и весели

автор маф
955 Опатрене

РУСКИ КЕРЕСТУР – Всоботу, 26. януара, отримани Майсторски бал, з найдлугшу традицию у валалє и з богату томболу, а хтори з рока на рок ознова ма вше вецей нащивительох. Бал орґанизовало Здруженє ремеселнїкох и приватних поднїмательох з Руского Керестура.

На тогорочним балу було 180 госцох рижних ґенерацийох, а попри Керестурцох, були и їх госци з Коцура, Лалитю, Кули або з других местох одкаль єст и роботнїкох у керестурских приватнїкох.

Орґанизатор ше остарал за богати томболи у вредносци вєдно прейґ 200 000 динари хтори даровали члени Здруженя, окрем домашнїх и зоз Коцура.

Найвреднєйша награда бул ТВ приємнїк хтори обезпечело Майсторскей здруженє, а другу и трецу награду обезпечели Тапетариї „Комфорд” Иґора Раца и „Евро” Тихомира Медича. Шицки три награди достали госци з валалу.

На балу була барз приємна и весела атмосфера, чому допринєсли и забавни бависка, а поготов рулет-танєц з елементами старих ремеслох, а за добре розположенє и розвагу хтора тирвала до ранших годзинох, заслужни и „Пицикато бенд”.

ПОВЯЗАНИ ТЕКСТИ