ДЮРДЬОВ – У Основней школи „Йован Йованович Змай” у Дюрдьове, стреду, 24. юния, отримана мала матура.
У шветочних шматох, школяре ше прешпрацирали през парк опрез Школи, а потим у школским дворе було орґанизоване шветочне додзельованє припознаньох и дипломох школяром котри за свойо осморочне школованє посцигли одлични резултати на змаганьох и указали вельке знанє.
Того року у дюрдьовскей Школи за школярох ґенерациї вибрани двойо школяре – Сладяна Павлович з VIII-1 оддзелєня и Вук Вуйович з VIII-4 оддзелєня.
Матурска забава и друженє предлужене у голу Школи.