БЕОҐРАД – Министерство здравя предложело вименки закона, по хторих би мацери дзецох хорих од рака з нїма у шпиталю могли буц нєогранїчено и доставац цалосну плацу, виявел концом прешлого тижня министер здравя Златибор Лончар.
Трима ше же хорованє мацери ма буц отворене цали час док дзецко хоре, покля ше нє вилїчи, а под час хорованя же би мацери доставали 100-одстотну плацу, а нє 65 одсто, як тераз.
Тоту вименку Закона о здравственим осиґураню иницировало Здруженє родичох дзецох хорох од рака, у сотруднїцтве з ресорним министерством.