НОВИ САД – На Рочней скупштини найстаршого здруженя новинарох на простору бувшей Югославиї – Нєзависного дружтва новинарох Войводини (НДНВ) отриманей пияток, 25. януара, за новинара рока преглашена Мая Ледєнац, а награди достали и др Борис Варґа и Младен Саватович.
Мая Ледєнац новинарка Новинскей аґенциї „Бета”, Радия „Шлєбодна Европа”, алє пише и за други аґенциї и портали. Вона представнїца младих новинаркох, а у роботи хаснує мултимедиялни приступ дзекуюци чому на окремни способ приступа ґу роботи.
Др Борис Варґа, директор НВУ „Руске слово” достал награду за винїмково резултати у информованю на язикох националних меншинох и промоцию интеркултуралносци, а новинар Младен Саватович добитнїк награди Войводянского виглєдовацко-аналитичного центру за вершинске доприношенє виглєдовацкому и аналитичному новинарству.