СЕРБИЯ – Концом юния закончени термин за придаванє документациї за приватизацию медийох хтори у власнїцтве держави, а Аґенция за приватизацию вчера обявела и список 38 медийох хтори на предай, односно явну поволанку за предаванє.
Медзи медиями хтори понукнути и Радио Шид, Радио Бачка, новосадски „Дневник“ городски информативни центер „Аполо“ з Нового Саду, Информативни центер Бачки Петровец, а Аґенция пририхтує явну поволанку за предаванє ище осем медийох, медзи хторима и Информативно-пропаґандни центер „Кула“.
Право приявйованя на явну поволанку за купованє медийох маю физични и правни лїца, та конзорциюми зоз Сербиї и иножемства. Термин за приявйованє 30. юлий, а отверанє понукнуцох будзе 3. авґуста у просторийох Аґенциї за приватизацию у Беоґрадзе.