СИВЕЦ – У Народней библиотеки у Сивцу нєшка на 11 годзин будзе отримана закончуюца шветочносц 54. Културно-пропаґандней манифестациї ”Мешац кнїжки”, на хторей буду преглашени науспишнєйши учашнїки на литературним и подобовим конкурсу Манифестациї.
Припознаня достаню перши тройо найуспишнєйши учашнїки на обидвох конкурсох – од оводарцох по школярох штреднїх школох у општини Кула.
Медзи добитнїками припознаньох и Лена Зелич з керестурского Оддзелєня ”Цицибан” ПУ ”Бамби”, котра достала другу награду на подобовим конкурсу за наймладши возрост.