СЕРБИЯ – Школяре котри законча школу за месарох, односно квалификовани за тоту роботу, на доставанє роботи нє чекаю длуго, понеже то єдно з найдефицитарнєйших заниманьох на тарґовищу роботи.
И попри швидкого доходзеня до роботи, интересованє школярох за ремесла барз мале, та єст вше менєй заинтересованих школярох за напрями хтори школую за мулярох, тишлїрох, армирачох и шлосерох. Штреднї школи поряднє провадза потреби на тарґовищу роботи и локалних заєднїцох, а спрам того од задлуженого Министерства можу вимагац отверанє одредзених образовних профилох.
При будуцих штредньошколцох роки популарни медицински, економски школи, ґимназиї, та напрями з обласци туризму и погосцительства.
– Мойо особне думанє же ше школяре маю сами опредзельовац за заниманя хтори любя, у хторих буду уживац, а нє на основи терашнїх потребох на тарґовищу роботи – гварела за РТВ совитнїца у Школскей управи Южнобачкого округу Драґана Малешевич.