РУСКИ КЕРЕСТУР – Календар и пропозициї за смотри рецитованя 2020. року, по котрим Месна смотра рецитаторох у Руским Керестуре будзе 28. фебруара, прилапени на першей тогорочней схадзки Комисиї за рецитованє Културно-просвитней заєднїци општини Кула, отриманей 17. януара.
Схадзку водзели предсидателька Комисиї Амалия Ковач и секретар Културно-просвитней заєднїци општини Кула Сава Прерадович, а учасц на нєй вжали и фахово руководителє, фахово консултанти, як и директоре домох култури з местох кулскей општини.
Окрем календара, на схадзки прилапени и звит о отриманих смотрох рецитаторох и успихох прешлого 2019. року и представени двоме нови директоре домох култури у нашей општини. Прилапене и предкладанє за селектора Месних смотрох и фахових консултантох за мадярски, руски и українски язик, як и селектора за Општинску смотру.
Доми култури, як и потераз, буду домашнї месних смотрох, та ше им треба и приявиц за участвованє.
Месни смотри у Кулскей општини ше отримаю од 25. по 29. фебруар, а скорей месних смотрох буду отримани змаганя у школох и у орґанизацийох култури.