ДЮРДЬОВ – Вчера, дзень пред шветом святого Миколая, после Саночного и мированя, у грекокатолїцкей церкви у Дюрдьове члени Церковного одбору дзецом у церкви подзелєли пакецики од Миколая.
Пакецики достали школяре од першей по осму класу ОШ котри ходза на виронауку и младши, а дарунки пририхтала парохия и спонзоре.
На Саночним служел ґосподїнски парох о. Михаил Холошняй, а попри Холошняйовей фамелиї, на Служби шпивали и школяре висших класох ОШ котри ходза на виронауку.
Дюрдьовски парох о. Йоаким Холошняй у казанї здогаднул на важносци даваня и дарованя, насампредз блїжнїм, алє и другим котрим то потребне.