КУЛА – На Виберанковей конференциї Општинского одбору Социялистичней партиї Сербиї (ОО СПС), хтора 15. юлия отримана у Кули, за предсидатреля кулских социялистох вибрани Милан Андєлич з Кули, преноши „Ку-радио” ИПЦ Кула.
Виберанкова конференция отримана после розпущованя ОО, СПС напущели и його дзепоєдни члени, медзиї нам и бувша предсидателька СО Кула Снежана Мркаич, так же як єден з главних задаткох у дальшей роботи Андєлич визначел консолидованє странки на локалним уровню.
На Виберанковей конференциї у Кули присуствовали 34 делеґати, вибрани и нови Општински одбор у хторим 27 члени, а з Руского Керестура до ОО вибрани Весна Макаї и Славко Надь, а познєйше будзе кооптовани ище єден член.
Як госци на конференциї були секретар Покраїнского одбору СПС и подпредсидатель Покраїнскей влади Иван Дьокович и член Покраїнского одбору СПС Бранко Чурчич.