НОВИ САД – Потерашнї городоначалнїк Нового Саду Милош Вучевич вчера ознова вибрани на тоту функцию, пише на сайту Радио-телевизиї Войводини.
На схадзки Скупштини городу за Вучевича од 78 одборнїкох гласали 70, 6 гласи були процив, а два були нєважаци.
Вучевич по схадзки поручел же Нови Сад анї єден дзень нє церпел док чекал вибор городоначалнїка и же будзе робиц як и потераз.
Нови людзе у городскей власци хтори потераз нє були у вивершней власци творя коло 40 одсто. Вон виявел же нову власц чека ребаланс буджету, а наявел и нови иножемни инвестициї.
Наглашел же є окреме горди на факт же є перши чловек у историї Нового Саду длугшей як 272 роки хтори треци раз вибрани за городоначалнїка.
Владаюцу коалицию у Новим Саду твори Сербска напредна странка зоз своїма партнерами Социялистичну партию Сербиї, Лиґу социялдемократох Войводини и Сербским патриотским союзом.