Мина Кузминац освоєла трецу награду у бешеднїцтве

автор код
1.3k Опатрене

СРИМСКА МИТРОВИЦА – У сали Театру „Добрица Милутинович” у Сримскей Митровици всоботу, 28. новембра, отримани 24. Фестивал бешеднїцтва з назву „Sirmium lux verbi” („Сирмиум шветлосц словох”), хторому предсидателька  Орґанизацийного одбору Ясна Димитришин Арбанас.

Того року були приявени 30 змагателє, а до финалу ше пласовали 12 у трох катеґорийох – „авторска бешеда”, „интерпретация” и „импровизация”. Участвовали млади бешеднїки з Беоґраду, Нового Саду, Зомбора, Вербасу, Лакташох, Кикинди, Банялуки, Косовскей Митровици и Сримскей Митровиц.

Медзи наградзенима и млада студентка першого року Правного и Филолоґийного факултету у Београдзе Мина Кузминац (по мацери Рускиня), прешлорочна школярка генерациї митровицкей Ґимназиї, хтора на своїм першим участвованю освоєла трецу награду у катеґориї „импровизациї”.

Перши раз того року квалификацийне змаганє Фестивалу отримане и у Каребно-поправним заводзе у Сримскей Митровици, та у ревиялней часци участвовали и найлєпши з того змаганя.

ПОВЯЗАНИ ТЕКСТИ