СРИМСКА МИТРОВИЦА – За школярку ґенерациї у ґимназиї у Сримскей Митровици прешлого тижня преглашена матурантка Мина Кузминац, по мацери Рускиня, котра закончела дружтвено-язични напрям, а под час школованя освоєла велї награди и припознаня.
Мина вецей раз освоєла републични награди зоз сербского язика и литератури, а була успишна и з писаня филозофских есейох на анґлийским язику.Того року достала награди з друштвених наукох у Биєлїни, (БиГ), а тиж и награду з бешеднїштва и за роботу зоз социолоґиї. Вецей раз доставала награду „Доситея” Фонду за млади таланти Републики Сербї, а добитнїк є и „Святосавскей грамоти” Городу Сримска Митровица.
Мина Кузминац режирала и школску представу „Ожалосцена фамелия”, хтора наградзена на театралних стретнуцох школских представох.
Планує уписац два факултети у Београдзе – Правни и Филолоґийни, напрям Скандинавистика.